दैनिक परिपाठ
07 एप्रिल
🙏🏾 साहित्यमंच ब्लॉगला भेट दिल्याबद्दल धन्यवाद 🙏🏾
•संकल्पना :
वृषाली खाड्ये, मुंबई
• परिपाठ सदरे संकलन :
1) वर्षा प्रमोद चोपदार,मुंबई
2) मोहन सनगाळे,सिंधुदुर्ग
3) भारती प्रभाकर करडे,मुंबई
4) दिपाली कुंभार,मुंबई
5) जयश्री संजय माने,मुंबई
🏵️ मागील तारखेचा परिपाठ मिळविण्यासाठी येथे क्लिक करा.
🔺️सुविचार
स्वत:च्या स्वार्थासाठी दुसऱ्याचा वापर कधी करु नका.
🔺️ दिनविशेष
१९४०: पोस्टाच्या तिकिटावर चित्र असणारे बुकर टी. वॉशिंग्टन हे पहिले कृष्ण्वर्णीय अमेरिकन ठरले.
१९४८: जागतिक आरोग्य संघटना (WHO) स्थापना झाली.
१९८९: लठ्ठा नावाच्या विषारी दारूने बडोदा येथे १२८ जणांचा बळी गेला.
१९९६: श्रीलंकेचे क्रिकेटपटू फलंदाज सनथ जयसूर्या यांनी सिंगरकरंडक स्पर्धेत १७ चेंडूंत अर्धशतक करण्याचा विश्वविक्रम केला.
🔺️ वाक्प्रचार व वाक्य
▪️वाक्प्रचार व अर्थ : गुमान काम करणे-अर्थ : निमूटपणे काम करणे.
▪️वाक्य : मालकाने सांगावे व नोकराने गुमान काम करावे अशी पूर्वीची पद्धत होती.
🔺️ म्हणी व अर्थ
▪️म्हण : तेल गेले, तूप गेले, हाती आले धुपाटणे
▪️अर्थ : मुर्खपणामुळे कामाच्या गोष्टी हातातून जाणे.
🔺️ कोडे
▪️ व स्या प दि अ मा (सण ओळखा)
▪️उत्तर - दीप अमावास्या
🔺️ सामान्यज्ञान
1) दरवर्षी 'जागतिक जल दिन' कोणत्या तारखेला साजरा केला जातो?
उत्तर - 22 मार्च
2) पृथ्वीच्या एकूण पृष्ठभागापैकी अंदाजे किती टक्के भाग पाण्याने व्यापलेला आहे?
उत्तर - 71%
3) पृथ्वीवरील एकूण पाण्यापैकी किती टक्के पाणी पिण्यायोग्य (गोडे पाणी) आहे?
उत्तर - सुमारे 3%
4) पावसाचे पाणी साठवून त्याचा वापर करण्याच्या प्रक्रियेला काय म्हणतात?
उत्तर - रेन वॉटर हार्वेस्टिंग
5) पाणी शुद्ध करण्यासाठी सामान्यतः कोणत्या वायूचा वापर केला जातो?
उत्तर - क्लोरीन
🔺️ बोधकथा
पिंडदान
प्रयाग (गया) येथे एक खूप चांगले पंडित राहत होते. एकदा नेपाळचे राजे सामान्य वेशात पंडीतामागे फिरू लागले,"माझ्या आजोबांचे पिंडदान करून द्या, माझ्याजवल काहीच पैसे नाहीत थोडेसे लाडू भरून आणलेत तेच दक्षिणा स्वीकार करून घ्या." जे लोभी पंडित होते त्यांना पैशाची हाव होती त्यांनी या सामान्य वेशातील राजांना नकार दिला. अशा वेळेस राजांना तेथील एक पंडित गाठ पडला. त्याला महाराजांनी पिंडदान करण्याची विनंती केली. त्याने ती कबूल केली. तो म्हणाला ," भाऊ ! पैशाची काही बाब नाही. मी पिंडदान करून देतो." त्या पंडिताने फाटक्या तुटक्या कपड्यात आलेल्या राजांचे पिंडदान पूर्ण करून दिले. यावर महाराज खुश झाले. त्या वेळेस ते त्याला म्हणाले,"पंडितजी! या कार्यानंतर काही न काही दक्षिणा मी तुम्हास देणे लागतो. मी घरून काही लाडू आणले आहेत त्याचा तुम्ही स्वीकार करावा.मात्र या लाडूचे गाठोडे तुम्ही घरी जाऊन उघडावे." पंडित म्हणाले ," बर भाऊ तुम्ही गरीब दिसत पण तुम्ही प्रेमाने दिलेल्या लाडूचा मी स्वीकार करतो." या नंतर पंडितास ते गाठोडे देऊन राजे निघून गेले. पंडिताने घरी जाऊन जेवायला बसायची तयारी केली. अचानक त्याला लाडूची आठवण झाली त्यावर त्याने ते गाठोडे सोडून पहिले असता तो चकित झाला कारण त्या गाठोड्यात वीस सोन्याचे लाडू होते.
तात्पर्य- कधीही कुणाला कमी समजू नये कारण कोणत्या रुपात कोण असेल याचा भरवसा नाही.
🔺️ समूहगीते
🔺️ पसायदान
🔺️ ध्यान साधना
🔺️ वंदे मातरम् (राष्ट्रीय गीत)
THANKS FOR VISIT
ConversionConversion EmoticonEmoticon