दैनिक परिपाठ
01 मार्च
🙏🏾 साहित्यमंच ब्लॉगला भेट दिल्याबद्दल धन्यवाद 🙏🏾
•संकल्पना :
वृषाली खाड्ये, मुंबई
• परिपाठ सदरे संकलन :
1) वर्षा प्रमोद चोपदार,मुंबई
2) मोहन सनगाळे,सिंधुदुर्ग
3) भारती प्रभाकर करडे,मुंबई
4) दिपाली कुंभार,मुंबई
5) जयश्री संजय माने,मुंबई
🏵️ मागील तारखेचा परिपाठ मिळविण्यासाठी येथे क्लिक करा.
🔺️सुविचार
माणसाला त्याचे श्रेष्ठत्त्व जातीने नव्हे ; तर गुणांनी प्राप्त होते.
🔺️ दिनविशेष
१९९२: बोस्निया व हेर्झेगोविनाला युगोस्लाव्हियापासून स्वातंत्र्य मिळाले.
१९९८: एकूण १ अब्ज डॉलर पेक्षा जास्त कमाई करणारा टायटॅनिक हा पहिला चित्रपट झाला.
१९९८: दाक्षिणात्य गायिका एम. एस. सुब्बलक्ष्मी यांना भारतरत्न हा सर्वच्च नागरी सन्मान राष्ट्रपतींच्या हस्ते प्रदान करण्यात आला.
२००२: पेसेटा हे चलन सोडून देऊन स्पेनने यूरो हे चलन स्वीकारले.
🔺️ वाक्प्रचार व वाक्य
▪️वाक्प्रचार व अर्थ : अंगी बाणणे - अर्थ : मनात खोलवर रुजणे.
▪️वाक्य : चांगल्या सवयी अंगी बाणल्या पाहिजेत.
🔺️ म्हणी व अर्थ
▪️म्हण : उंटावरून शेळ्या हाकणे.
▪️अर्थ : आळस, हलगर्जीपणा करणे.
🔺️ कोडे
▪️ माझे शरीर आहे गोल - गोल, प्रत्येक स्त्रीचे रुप मी अजून निखारते,मी बनले आहे काचेची, प्रत्येक रंगात मी भेटते. सांगा पाहू मी कोण?
▪️उत्तर - बांगड्या
🔺️ सामान्यज्ञान
1) नरेन कार्तिकेयन हा खेळाडू कोणत्या
खेळाशी संबंधित आहे ?
उत्तर - कार रेसिंग
2) खजुराहोची सुप्रसिद्ध मंदिरे कोणत्या
राज्यात आहेत ?
उत्तर - मध्य प्रदेश
3) राज्य राखीव पोलीस बल गट क्रमांक
चार यांचा पिन कोड काय आहे?
उत्तर - 400016
4) लांब उडी चा विश्व रेकॉर्ड कोणाच्या
नावे आहे?
उत्तर - माईक पोवेल
5) कालावल खाडी कोणत्या नदीच्या
मुखाशी आहे?
उत्तर - तेरेखोल
🔺️ बोधकथा
इंद्र आणि मुनी मार्कंडेय
मुनी मार्कंडेय यांच्या कठोर तपस्येने देवराज इंद्र भयभीत झाला होता. त्याला वाटायचे कि आपल्या सिहांसनावर मुनी अधिकार तर दाखवणार नाहीत. त्यामुळे त्याने मुनींची तपस्या खंडित करायचे ठरवले. एके दिवशी इंद्राने मुनींच्या अनुपस्थितीत आश्रमात भरपूर धन आणून ठेवले. जेंव्हा मुनी आश्रमात परत आले तेंव्हा ते धन पाहून हैराण झाले. आपल्या शिष्यांना मार्कंडेय म्हणाले, " हे धन माझे नाही. त्यामुळे हे धन गरीबात वाटून टाका." हे बघून इंद्राच्या लक्षात आले कि मुनिना धनाचा लोभ नाही. त्यावेळी इंद्र राजाच्या वेशात आश्रमात आला आणि मुनींना म्हणाला,"मुनिवर! माझी एक इच्छा आहे कि मी एक राजा आहे आणि माझ्याकडे भरपूर धन आहे. परंतु संतती नाही. माझी अशी इच्छा आहे, कि आपल्याला दत्तक घेवून बसवावे आणि राजगादीवर बसवून संन्यास घ्यावा." मुनी म्हणाले," राजन एकदा ईश्वराशी नाते जोडल्यावर तो धन आणि सिंहासनाशी कधीही लोभ ठेवत नाही. मला त्याचा कधीही लोभ नाही, नव्हता आणि नसणार. तेंव्हा तुम्हालाच संन्यास घ्यावयाचा असेल माझ्या शेजारीच तुमच्यासाठी एक कुटी बनवतो. यापेक्षा मी आपली काय सेवा करू शकतो.? " मुनींचे हे उत्तर ऐकून इंद्र आपल्या खऱ्या रुपात प्रकट झाला आणि म्हणाला मला आपल्या कठोर तपस्येमुळे भीती वाटत होती कि आपण माझ्या सिंहासनावर अधिकार तर सांगणार नाहीत ना? त्यामुळे मी आपली तपस्या भंग करण्यासाठी हे सारे केले. मला क्षमा करा." मुनी म्हणाले"देवेंद्र! आपल्याला स्वत:वरच विश्वास नाही तर राज्य कारभार कसे चालवणार. संन्याशाला राज्याची काय गरज?" इंद्र लाजीरवाणा होवून तेथून परत गेला.
तात्पर्य - मनावर संयम असणारेच सत्तेपासून दूर राहू शकतात. भौतिक आकर्षण ज्यांना नसते तेच खरे साधू होत.
🔺️ समूहगीते
🔺️ पसायदान
🔺️ ध्यान साधना
🔺️ वंदे मातरम् (राष्ट्रीय गीत)
THANKS FOR VISIT
ConversionConversion EmoticonEmoticon